ضواا { مصافحتي الاولىى }

السلام عليكم ورحمة الله وبركاته


صباحكم تباشير جميعا ..


شكرا لكل من يستحق الشكر في تواجدي هنا الذي بلا شك اتشرف به وبمقامي بينكم ..



هنا مصافحة اولى علها تنال الاعجاب ..






[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الليل لامنه ضوا على العرب قالوا ضوا = وانا ضواي اتغيب الظلمه بنور اقبالها

هذا خفوق ٍ انكوا هذا خفوق ٍ انشوا = ياعزتي للي تمناها لكن ماطالها

عينه على مرقابها يبغا يذب ولا قوا = ولا مراقيب المراجل ضاري ٍ يرقالها

ايثني الصبه على ضيفانه وتبري الخوا = ويقلط الضيفه بعد ماكرموا فنجالها

يلعب على نفسه يقول إنْه ارتوا ولا ارتوا = ضامي وشطان الغلا متربع ٍ في جالها

يضرب على صدره بتنهيته ياملعون الثوا = ياحظي اللي كل مازانت غديت اقبالها

ويكذَب الخاطر وذيب الشوق في صدره عوا = يوم انها قلة به الحيلات لايحتالها

ويذكَر الهاجوس وقت ٍ فات يوم إنه نوا = نية شرف والناس نيتها بقد اعمالها

ذا السالفه مايحلها عقيد قوم ولا لوا = وين انت ياحلالها وين انت ياحلالها

هذي ضوا ماهي مع باقي الغنادير بسوا = اللي تبي تاصلها ترقى النجوم اشوالها

يحق له مجدولها الا انتثر ولا انطوا = كنه يقول البنت ذي بضمها وانا لها

شموخها سر لتواضعها فنفس المحتوا = والعز في مكنونها من عمها لي خالها

مدغم ابوشيبه يقول .. احفظ لها هذا الهوا = ( واذا نستني هذي الدنيا وهذا حالها )

وانا بقول الله يعديها عيون اهل الغوا = والله يقدرني على ماجوبها واحتالها

والسالفه مايحلها عقيد قوم ولا لوا = وين انت ياحلالها يالله ياحلالها[/poem]



.


.