(( أزمــــه حـسـااســيـــّه ))

السلام عليكم ورحمة الله وبركاته ..

من باب التواصل في هذا القسم ...




والله أن قدلي ونفسـي شقاويـه "=" ماتـذوق الراحـه اللـي تمناهـا

كن كبدي ف أطرف النار مركيـه "=" كيـة ٍ فالكبـد لايمكـن أدواهـا
اشتوت كبدي على النار هي نيـه "="يوم نفسي ماقدرت تلحق أمناهـا
وأزهقت نفسي وهي فالصباحيـه "=" كيـف لاقفـت ولقـت مقفـاهـا
من يشوف البعد فعيـون غاليـه "="راح يذوق أجروح روحي وماجاها
والله أن يذوق جرحه علـى نيـه "="وأن يعرف النفس وشلون ممشاها
مثـل ماذقتـه ونفسـي حياويـه "=" عن أمور ٍ ما أعرف كيف مغزاها
الأمور اللي مهـي راس ماريـه "=" تذبـح العالـم وتبحـث خفاياهـا
ماتنسيـه الامــور الحياتـيـه "="" لو تمـده بيـض الايـام يمناهـا
من ضحك للوقت وارخى علابيـه "="حطته سود الليالي فـي مخباهـا
وجرحة الخاطر على الخاطر احميه"="والحمايـا راس رجـل ٍ تمثناهـا
والفراق يسبب ازمـه حساسيـه "=" أزمـة ٍ مانـيـب والله بقـواهـا
من عشق سود العيون النداويـه "="ماعشق بيض الحباري وملفاهـا
لّو سيمت بألـف مليـون روبيـه"="ماتتك بـروض قلبـي ومرباهـا
ياطوي قلبي علـي طـي زوليـه "=" يوم مـر أبـال نـوره وفرقاهـا
ساعة ٍ قشرى وساعـه حقيقيـه "="ودي انساهـا ولا ودي انسـاهـا
ليت قبل تروح عن عيني شويـه "="كـان يميدنـي اعالـج خطاياهـا
غير راحت روحة ٍ مالهـا جيـه "=" ورحت مثل الخاتم اللـي بيمناهـا
مالي الا اجر صوتي علـى نيـه "="وأطرب الهاجس بشعـر ٍ تغذاهـا
مرت ٍ مسحوب ومـره هجينيـه "=" كلها نفس النبط بس هـي ياهـا
ألعب اللعبه علـى شكـل مرثيـه "=" والعي الورقا على فقـد مضناهـا
ياوجود اللي سرى الليـل طاريـه "=" وجد من حط المعانـاه وعاناهـا
اتوجد من حزن وأصفـق أيديـه "=" اصفق اليمنى على كف يسراهـا
ياوليفي صدتـك جـات عكسيـه "="ودي ارضاهـا ولا ودي ارضاهـا
ودي أنـي ماتعـدى السعـوديـه "=" طول عمـري عندهـا ماتعداهـا
تعتبر فالنفـس حاجـه ظروريـه"="منـوة ٍ ماكـل نفـس أتمنـاهـا
والله ان كبدي على البعد مطويـه "=" طية اللـي طـي بيتـه وطواهـا
قلتهـا والله يعـيـن الهـواويـه"="ونفسي اللي جرهـا الوقـت ومشاهـا
من نظر ذيك العيـون الطفوليـه "="راح يعرف نقطتي ويـن مبداهـا
قصـة ٍ ماهيـب قصـه خياليـه "=" تعجـز القـاري اذا دل معنـاهـا

وسلامتكم