غنّت ويلفحها رذاذٌ من الديم

شفت لي صورة
وهيضتني وجات هالبويتات
والمعذرة على القصور

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] يا طرق قافي لـك علـيّ الملازيـم = لأوصّلك معهـا النجـوم وقمرهـا
وبين البدو والحضر ما شافت الضيم = ولا فيـه مخلـوقٌ بسـوءٍ ذكرهـا
قالوا تهيم وقلـت مـا كـلٌ يهيـم = ولا كل من يبنـي طروقـه عمرهـا
تعبير عن صوره لحـدي مراسيـم = و من هيضت للقاف ربـي سترهـا
طارت من الفرحة تبي تعانق الغيـم = وهب الهواء غربي وطيّـر شعرهـا
يامـا تمنـت للجناحيـن تصميـم = حتى تعانق هـام سحـب ومطرهـا
في روض فيه الطير غنـا ترانيـم = تطير من روضه ما احد قص اثرها
و غنـت ويلفحهـا رذاذٌ مـن الديـم = مدري الغنا من فـرح والا قهرهـا
وبيّن على صافي المحيـا تقاسيـم = يعلن عن افراحه ويقطـف زهرهـا
وتطرب ليا شافت سحـابٌ مراديـم = وتاخذ منه لقطات تدعـم صورهـا
لو قلت هذي ريم اغارت من الريـم = والريم منها اغارت بوصفها ارهـى
والشاعر الموهوب حسب التعاميـم = لا يذكر الأسمـاء بنظمـه دررهـا
على سلوم البدو عشنـا المفاهيـم = و صفـا النوايـا والنقـاوة فخرهـا
وعلمي بها تتبع لوضح ومجاهيـم = يوم انسجت بيت الشعر من وبرهـا
وعهدي بها يوم انثعـاب المرازيـم = في آخر نجوم الوسم نجمه سبرهـا[/poem]

,
,,!