بـشـرح الـلـي فـي ضـمــيـري عــن الـعالــم خــفــا ...

[poem=font="Simplified Arabic,6,black,bold,normal" bkcolor="transparent" bkimage="backgrounds/49.gif" border="outset,6,gray" type=0 line=0 align=center use=ex num="0,black""]
بشرح اللي في ضميري عن العالم خفا= شي يمكن مايصدق ولاهوب معقول

كيف من صان المحبه يجازا بالجفا=وكيف من قال الحقيقه يقولون مهبول

وأنت يلي بالمحبه خفوقك ماوفا=كيف تكذب وأنت مسلم على نهج الرسول

غرًتك دنياك والوقت في عينك صفا=تحسبنك لو تطول الليالي ماتزول

من عرفتك ضيقتي والهواجيس أحلفا=وتسلا بالقصايد وخليت الحلول

كني اللي من عنا الوقت جرحه ماشفا=له ثلاث سنين والجرح في قلبه يجول

أن سكت يحس بالهم مع جرحه لفا=وأن تكلم ماعرف في حبيبه وش يقول

ياعديل الروح قلبي من الصد أكتفا=صابرن صبر الجمل يوم يشتال الحمول

كان قلبك ياريش العين عن حبي غفا=لاتحاول تعقد الحبل والدعوا تطول

المحبه نور للشوق لكنه طفا=والسبايب قلبك اللي مع العاذل ميول

كان بعد اللي فعلناه قلبك مارفا=ماتبعك مادمت رجال وعرف الأصول

سلم الله واحدن عنك يالمخطي عفا=وكتفا بلي مضى يوم ميـًًـز بالعقول
[/poem]