بغيت اطيح .. وسهّـل الله .. ولاطحْـت

مساء وصباح الخيرات ..
اهل المرقاب الاعزاء .. من الجديد ؛؛
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لـو الغـلا بيْـدي نسيـت وتريـحْـت=لكن عجزت اقدر ليا قلـت ابـا انسـاك
البارحه يوم العـرب رقـدوا .. صحْـت=وناديـت مابـيـن التجـاهـل والادراك
بغيت اطيح .. وسهّـل الله .. ولاطحْـت=وبديت خطوه .. خطوه .. وجيت لرضاك
كتبت لك نص القضية .. و صرحت=انـي علـى عهـد الهـوى واتـحـراك
و .. آبوك انا كتمت مابي .. و .. وبيحْت=وشرحت لك مضمـون ماكـان يخفـاك
اسمك نحتّه في جـدار الغـلا .. نحْـت=وفتحت لك قلب ٍ علـى الصـدق يهـواك
قلب ٍ تعلّـق فيـك حتـى ولـو رحْـت=يذكرك ما اذكـر فيـه لحظـه تناسـاك
على الـورق ناحت هواجيسي .. ونحْـت=وجرّيت صوتي بين طيفـك .. وذكـراك
كان الهجر ذنب .. وخطيه .. تسامحْـت=اهـمّ شـي ارجـع ترانـي بـرجـواك
صبّحتنـي بالهجـر وانــا تصبّـحْـت=بالهمّ .. جعل اللي بلا .. القلـب يبـلاك
حتى تعرْف انـي لـو اقـدر تريحْـت=وليا بغيت انساك مـن قلبـي .. انسـاك
[/poem]