العشق

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
لبيه ياطلة عنود ٍ تخلف العقل الرزين=يوم اقبلت تنثر ورود الحسن محد ٍ قدها
طرقا ً حباها الله جمال ٍ طاغي ورقه ولين=لاصار حتى العقد يجهد حيلها ويهدها
سامرتها بين الغلا والورد والعطر الثمين=حتى خذتني بالحلا من جزرها لامدها
لافكة الجاكيت واستركت على أطراف اليدين=عجزت اقاوم سحر كفيها وحمرة خدها
ومجدل ٍ قام يتناثر من يسار ومن يمين=لاغطى غرتها استمالت وفهقته بيدها
فيها من الظبي التفاتة خوف ومن الحر عين=ومن الذلول اهيامها والخيزرانه قدها
وضاهر ايديها فالكموم اتقول ضاهر قطنتين=الياقصرة عنها الكموم اتشدها وتمدها
فاحت خفايا صدرها فوحة ورود الياسمين=ووقفت لي لحظات ماعرف مزحها من جدها
لاناظرتني شفت في نظراتها شوق وحنين=وانسولفت قامت تمنّع كن ماهو ودها
ماتعطي الاحرف مداها غير من حين ٍ لحين=كن الحروف اللي تساقط من شفاها تعدها
لين العبت بي لعبة المسباح بين الاصبعين=وسلمتها قلب ٍ يموت ولايقاوم صدها
اثر الغرام يليّن اللي باس راسه مايلين=واثر النسا من داعبن قلبه يروح بيدها
[/poem]




وســـــــــــــــلامـــــــــــــــتكم