عطني الرقم ..!

20 : عفاس بن حرباش
تكتب قصة من خيالك .. ماتدخل المخ وتحطها موضوع مستقل في العام وتتحمل ردود افعالها .. !!

هذا الطلب اللي طلبه ابو حمد مني ، وتراني استعجلت على شان اتفرغ للتقصي واحد الربع على اقصاهم والله يجازي اللي كان السبب


عطني الرقم!
كثيره هي الميزات اللي فيني , فأنا بسم الله علي كلي مميزات
وسيم , ثري , خفيف دم , ذكي , ألعب قولف , ألعب على الحبلين بعد <-- يحسبها لعبه
المهم في ذات سوق / قصدي ذات يوم نزلت السوق . كنت ابي أسوي شوّر / هو شوّر وألا شوبنق ؟ <-- يكلم نفسه
لكن دام من شور ماعطى أكيد انها شوبنق لأني رايح اتسوق .
وأنا طالع مع احد سلالم السوق . وجالس اتمسس ومرتكز كني حرف ألف في خط كوفي .
رمقت بعيني / أكيد بعينك أجل بترمق برجلك .
ماعلينا أقول لكم رمقت بعيني وحده تطالعني تسألت !
قلت : اللي مدهشها جمالي والا أناقتي والا قوامي الجذاب والا عطري المسكت وووووووو ألى مالا ووويايه .
ثم صلت لأجابه واثق منها حيث أنها من الاجابات التي لاتحتاج الى اتصال بصديق ولاحذف اجابتين ولاحذف حصى .
والأجابه اني كلي على بعضي عاجبها , لحقتني بنت الحلال وكانت غايه في الجمال .
كانت تجري ورائي بلهفه تتعثر خطواتها من بلاط السوق وأحيانا من كعبها العالي .
وأنا اتحمطر ماكني دريت عنها . واصلت الركض وأناواصلت الدعسه والتطنيش <-- مركب مكينة جربوع أولمبي .
وفالنهايه وصلتني بعد مادلّع لساني من المشي <-- خل مكينة الجربوع تنفعك
وصلتني وهي ماكنها مشت <-- مركبه مكينه سلقه خريجة الربع الخالي , قالت : ممكن الرقم ؟
قلت : اي رقم ؟ قالت : رقم جوالك . قلت لحظه أفك الغطاء واشوف رقمه كم .
قالت : انت تستهبل ؟ قلت : لا أنا عفاس . قالت : انت قاعد تستخف دمك معي ؟
قلت : لا أنا واقف معك ودمي في عروقي . ومايستخف يازين كود الرديين <-- طبعاً هذا بيني وبين نفسي المنقطع .
حسيت انها زعلت ولا أدري وش السبب !
قلت : أنتي وراك معصبه ؟
قالت : من سوالفك ؟ قلت : وش اسوي بالحلاّق هو اللي سواها .
قالت : اللهم طولك ياروح وألحقتها بـ أوووف وطارت قذلتها مع التأفيفه .
قلت : افطني للقذله . قالت : خل القذله بتعطيني الرقم وألا لا ؟
قلت : لااااااااااااااااااااااا عجزان لا أفك الغطاء .
قالت : تسابق ؟ قلت : دوري لك سلوقي مثلك يسابقك .
قالت : الشرهه على اللي يعطي الجرابيع وجه .
وأطلقت ساقيها للريح وأنا جلست مرّسم في مكاني حيث كان هواء فزتها يراقص طرف غترتي .
وأخر ماشفت منها غبرتها . وعندها فطنت أنها كانت تبي / ترقمني !
قلت : أووووف بدون ماتطير قذلتي . كيف فاتت علي ولحقتها وأزريت لا ألقاها !


يالربع اكثر واحد يجامل نمدد له اربع ايام في تنفيذ الطلب