عزي لمن قلبه من الحب ماسوم**وأكثر هواجيسه تجيه بمنامه

واحدة من روائع الشاعر الكبير مرشد البذال رحمه الله، أرجو أن تعجبكم:

[poem=font="Simplified Arabic,6,indigo,normal,normal" bkcolor="transparent" bkimage="" border="solid,4,indigo" type=0 line=0 align=center use=ex num="0,black""]
أمس الضحى يا بعد فرقه عن اليوم=فرقه مثل فرق الخطر والسلامه
أنا أمس كنّي مالكٍ خزنة الروم=واليوم مثل اللي دهي بالغرامه
يا عيني اللي حاربت لذة النوم=عيّا يطبّق جفنها وش علامه
العين صار الها أقشر السهر مرسوم=من يوم صار ابنا رحيلٍ وقامه
كني على رمانة الخد ملطوم=من يوم شفت الجو ثوّر عسامه
راجوا شوي وقاد للزمل مهموم=على أشقحن مقدم نشيره خزامه
راحوا مع البيضة زعاجيل واقسوم=مثل النفيض اللي تجلى غمامه
وأصبح على مرحانهم مدرج الحوم=والعِد مخلينه تطامى جمامه
يا ناس راع الحب ما يلحقه لوم=كود البليد المستريح الفدامه
أنا أشهد إن بالناس مُعطى ومحروم=وإن البخت راعيه يلحق مرامه
وحياة ربٍ سنن الفرض والصوم=صلّوا تراويحه وعشرٍ قيامه
إني بحب سخيف الروح ملزوم=متبلغٍ في ظامري تقل شامه
المبتلى بالحب ما هوب مليوم=مطروح عنه المزروي والملامة
عزي لمن قلبه من الحب ماسوم=وأكثر هواجيسه تجيه بمنامه
[/poem]

مرشد البذال (رحمه الله)