بيض الصبايا

[poet font="Simplified Arabic,6,white,bold,normal" bkcolor="transparent" bkimage="http://arabsgate.com/poems/bgrounds/thumbnails/bg90_jpg.jpg" border="ridge,6,darkred" type=2 line=200% align=center use=ex length=0 char="" num="0,black" filter=" glow(color=firebrick,strength=2)"]
بيض الصبايا

ذكرت لي عندك ثلاثة عذاريب =والكـل منهـن يـا محمد نودّه
بيض الصبايا وامهات الدباديب =ولهلاه بـرد ٍ في ديـاره مـجدّه
فيها الزهر ريحه كما فايح الطيب =بـارض ٍ مسـاسٍ للنظر مجرهدّه
يدله بـها الريمي وتدله بها النيب =ويذكـر لنـا صيأد العذارا بخِدّه
المترفـات الناعمـات الرعابيب =بـيض النحـور مليّنات المخده
مثل المها الشرّاد رثـم ٍ خراعيب =عيـون الوحوش وتوّها مستهدّه
نـمر العتيبي عقبهن فارق الطيب =زادن عناه وبـيحن كـل سدّه
يـجاوب العاوي بروس المراقيب =وعيـنه على سفك العباري تحده
ويهرف من الفرقا كما يهرف الذيب =ووده مـع البـدوان نزله وشدّه
لـو ان طراد الهـوى يشلق الجيب =مـحد ٍ يلـوم المبتلـي بالموده
والـدار عندي بيـن حر ولواهيب =ولا عندنـا كـود الوجيه المصده
نصبـر وهذي يـا محمد مواجيب =صبـر الجمال اللي ضرت للمكده
ونشتاق للبـيضا ونبعد عـن العيب =ونبـنـي كلام ٍ كـل حي ٍ يعده
يوم الردي جنّب عن الطيب تجنيـب =واللـي هفـا بـه فعل خاله وجده
ما خاض عركات تنابط بها الشيب =وان ادبـروا مـا قـال يالربـع رده


المرحوم/ محمد الاحمد السديري

[/poet]