هبة الريح

[poem=font="Simplified Arabic,4,royalblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

اسعد الله اوقاتكم بكل خير
ابيات متواضعه ارجو ان تنال اعجابكم
جعل السحاب اللي مزونه طفافيح = مع رايح الوسمي عشي الربوعي
يهل ودانه قبل شمسه تطيح = بامر الولي يذوب مثل الشموعي
سيله حقاقٍ مايجي عقب تلقيح = رحمة الهٍ كلنا له خشوعي
من بعد هذا نقح القاف تنقيح = كانه خدم لك ياهجوسي بطوعي
امّا نداحم لاعبين المسابيح = والا نتريح في توال السبوعي
عان البحر في غبته والسوابيح = وحدايق البستان من كل نوعي
هذا وانا خابرك مبعد مشاويح = يكفيني اني بالمعرفه قنوعي
احشم الطيب وربعي طحاطيح = ماهفيت سدي عند خطو الدنوعي
مضرّيك ياراسي على هبة الريح = احيا واموت ولاتغير طبوعي
واللي يهين النفس من دونه قريح = دارٍ مافيها من المطاليق دوعي
لاصار مادمه على الواجب يفيح = لوهو على روم المعالي يفوعي
جعله فدى من يجعلون المفاطيح = اللي مايلحقهم من الطيب جوعي
موفية صاع المراجل مصاليح = اللي يجونك باللوازم فزوعي
الطيب مايحتاج له زود توضيح = الا على من يجهله حب كوعي

[/poem]