المردود علي ,, خالد سعيد

السلام عليكم ورحمه الله وبركاته
مساءك عاطر بكل ماهو جميل
شرفنى أخى وأستاذي الشاعر / خالد سعيد
بنص تشرفت به تجدونه بهذا الرابط

http://montada.mergab.com/showthread...F+%D3%DA%ED%CF

سهل الله المردود
وأتمني ان تنال الرضا

كم لي عن الطاروق وإبيوت القصيد
___________ لي عدت أشهر والقريحه في صيام

يالين بالجوال صندوق البريد
___________ دندن وسلم ماورد فيه إستلام

فرايدٍ مكتوبه بدم الوريد
___________ ومضمونها العنوان بأن (الدرب شام )

غزايزٍ قد حازها نظم العنيد
___________ اللي معرب من خوال ومن عمام

حي القصيد اللي ما صاغه كود سيد
___________ سبائك الابداع ماهي بالجرام

قريتها وأنا أتهجاء للمزيد
___________ ومال السنام إلا بمردودٍ سنام

لو القوافي شالها بدع العقيد
___________ أنا لداعي الشعر يجذبني غرام

أملك علي الجزلات لو تسري رصيد
___________ وأصبها صب الذهب فوق الرخام

وأحكم قوافيها كهارون الرشيد
___________ وألا كما حكم الامام بن الامام

يإحزامي اللي لانخيته ما يحيد
___________ فزعات كفه للعلا دايم شمام

وأنا معه في ساعة الشده عضيد
___________ أقوم إله في كل شدة بإهتمام

يالله عسي الاخيار تسلم كل كيد
___________ اللي توشحنا مع الطيب وسام

اللي تحرر للوازم كل قيد
___________ مال العظام إلا الرياجيل العظام

وعندك خبر ياراعي القصر المشيد
___________ سيف النظام يقص عكاس النظام

هانت وزانت يا عسي عمرك مديد
___________ وانا معك بالحال لو أذهب عدام

تبني الفعايل شامخ العز التليد
___________ وتبقى الجمايل وإحترامي والسلام

(الدرب شام) دلاله على الطريق الوعر والصعوبه ويحكي ان الشاعر المرحوم بإذن الله
عبدالله المسعودي قد امتنع عن شعر القلطه وقال أحد الجماهير سأجبر المسعودي على الحضور
وفعلا أتى لبيت المسعودي وكتب له زرف بموعد الحفله وكتب فوق الزرف (الدرب شام )
وفعلا حضر المسعودي

أخوكم .. الموقع أدناه