أنـا خوي حميـد .

السلام عليكم

أرسل الشاعر حميد بن سليم العازمي هذه الابيات علي عبر الجوال

يقول فيها :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماني بتبّاعٍ لقوم التفاريق=اللي مراجلهم شتات الجماعه
بوجيههم ناقف كما ياقف طويق= اللي على الهزلا عسيرٍ طلاعه
حتيش لوقالوا وحتيش لو ضيق=ماهمني قولٍِ قصيرٍ بباعه
اللي يريد إنك على غير توفيق=وصار متفنّن في شتات الجماعه
يظهر لك أحلى من رحيق الزماليق=وهوه يريد يجرّعك سم ساعه
اللي يبانا مثل خرج المعاليق=والا يبانا في المواقف بضاعه
[/poem]

-------

وقد جاريته بهذه القصيده :

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تجرني للقاف بعض الطواريق=جر المقيّد لين يربط بشاعه
حميد وده يجمع الشمل لا عيق=وده يدل المحتدي عن ضياعه
ياحي من يسعى لجمعا المطاليق=وأنا خوي حميد وأقول طاعه
ياقوم بيبان التشتت مغاليق=سوى بضيق الدرب والا وساعه
كونوا لجمع لشمل معنا عشاشيق=من طاب ناعه ناعكم مثل ناعه
عز الله انه راي مافيه تبريق=من طيب راس وحوض عرف وشجاعه
رايٍ يوافق سلمنا والمواثيق=جابه ولد عودٍ طويلٍ ذراعه
عودٍ ليا جت ساعةٍ يابس الريق=طبع الرجوله تنوخذ من طباعه
والطيب ورثٍ في كثير المخاليق=وعند الرجال اهل المعرفه قناعه
والصدق واضح مايعاوز بتصديق=مثل الجبل كبره وفوق ارتفاعه
[/poem]

..