!! .. الهدف سامي .. !!

للتواصل

والسموحه على الانقطاع الخارج عن الاراده !

,

[poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]

تِذكّر كل حاجه في حياتك بس أنا .. ناسيه=تقول انّك حبيبي وأنت جمرك في الحشا .. حامي



تبيّن لي غلاي وتحرق الخفّاق وتْجافيه=وتسرق كل لحظات السعاده داخل أيامي


ياليتك تلتفت لي وتْعرف مقدار ماعانيه=ياليت تحس فيّ وتلمس بيدّينك آلامي


تشوف شلون رغم اللي أحسّ آقولّك لبّيه=معك في اللي تبي يامعذّبي لو تطلب اعدامي


ياعمري كل ليلٍ ماتجي مشتاق لي أبكيه=ويبكي معْ عيوني دفتري وتفيض أقلامي


يضيق الكون فيني كل ماتطري ولا أدري ليه=عشانك واقعي ولاّ على شانك من أحلامي


عطيتك كل عمري وكل وقتي وقلبي ومافيه=وأخذت مْن الجفا قبل الوفا مايروي الضامي


وأنا اللي من كثر ما افْرح بذكرك وأعشقه وأغليه=قعدت أتخيّلك جالس معي لو منت قدّامي


أسولف لك عن الحب العفيف اللي تعبت أخفيه=عن عيون العواذل كلبوها والهدف سامي


حبيبي كان تبحث للوصال ومثلي تحاتيه=تشجّع واكشف اللي في الخفوق وبدّد أوهامي


[/poem]