خبر عاجل

يعجز اللسان عن تعبير الشعور

ونجد في الشعر متنفسٍ لإطلاق البوح

هذه قصيدة متواضعة في زعيم الجود

صاحب السمو الملكي الأمير : سلطان بن عبدالعزيز

مع دعواتنا الصادقة له بالشفاء العاجل

الشعر وقعه مثل وقع القنا والحسام
والطف من النسمه بكل اتجاهاتها

يتوه فيه الفكر ويحير فيه الكلام
رغم اختلاف العرب مع فرق لهجاتها

ولاصار في سيّدي سلطان مثل الغمام
تفرح به الناس لاغطّا فضاءاتها

وشلون اببدا واسم سلطان مسك الختام
مجرّد اسمه يكفّي عن عباراتها

متى يجينا خبر عاجل وحصري وهام
وينِقل على كل دوله في قناواتها

الناس في حب سلطان الكرم ماتلام
حبّه تِعدّه ركيزه بإعتقاداتها

رمز الكرم والزعامه والفخر والسلام
اطيب صفات العرب يسبح بغبّاتها

في شوفتك ياولي العهد عالي المقام
تدعي لك أمة محمد في صلاواتها

أنت السعد والسند وأنت الذرا والسنام
وأنت الوزير لبلدنا في دفاعاتها

وأنت الوفا وأنت حلاّل الأمور الجسام
يازارعٍ للملاهيف ابتساماتها

لو أنْ كفوف البشر للجود تصرف وسام
الأوسمه كلها تاخذ قراراتها

الشعب يضرب على شوفك تحيّة سلام
على اختلاف الشرايح وإنتماءاتها

عساك تبقى يابوخالد على مايرام
هذا الدعا اللي نقوله في مناراتها

نغليك ونحبّك وناصل درْجة الهيام
محدٍ يلوم الشعوب بحب ساداتها

ياقادة العدل سيروا بالوطن للأمام
العُرْب في حبكم ترفع شعاراتها

والمملكه في ذرى حكامها ماتظام
تميّزت بالشفافيّه سياساتها

الله يعز الوطن ويرد عالي المقام
في ظل صقر العرب واعز قاداتها

ْ