بديـــل المســتحيل ؟

السلام عليـــكم والرحمـــــه


متواضعه أرجو لها المرور .. على درب خواتها أمهات واسطه .



[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نطرد الايام ونحثــّها مدّ القليل=كل مانقرب لــ\ غايه بــفعل .. أتعيّبه
لو تضـّحكنا رضا .. ماشربنا سلسبيل=ولو تبّكينا زعل .. طيّبه واحبيّبه
ماتمدّ ألا .. مفاتن حياه , وسهر ليل=وأن صفت وأن ماصفت هامله وامسيّبه
أغلب أحلام البشر ماتحقـّق .. والدليل=واجد اللي قبل لايكبرون .. مشيّبه
حطـّت وشالت .. وقدّامها اتحط وتشيل=الحظوظ الطايحه .. والظنون الخيّبه
أتلفـّت لــجل أحصّل بديل المستحيل=من معي .. طاري وصوره .. وهي متغيّبه
أمنيه بيّن طرفها .. ولاعنها بديل=راح عمري بين .. يابعدها واقريّبه
روّحت .. قدام درهام ركب , ودبك خيل=تلتفت يمّي وهي جافله وامهيّبه
مامعي حيله تسوّى .. وانا مافيّ حيل=ماتبقــّى غير دعوه .. وكلمه طيّبه
كل نظره من نظرها تلبّسني جميل=وش لها بالوضع هذا .. وأنا وش ليّ به



[/poem]

وسلااامتكم ...