صمت الزوايا ..!

السلام عليكم ورحمة الله

متواضعه حبيسة الادراج كانت للركن ولمكانتها في قلبي أتت إلى هنا .. تقبلوها ..

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ذكرت منهو جفيت الناس لعيونه = الغالي اللي ثلاث سنين ما جاني
علمي به بقبرٍ ترابه يرشونه = من دمع عيني ومن صمتي وحرماني
حالت بي أقدار عمري دوني ودونه = واقفيت أجر الحنايا جر نصراني
تطري علي نظرته مع ضحكة سنونه = واغيب في عالمه ويثور بركاني
أدوره في زوايا البيت وركونه = واسمع صدى نبرته في وسط وجداني
كنه يقول الأماكن ليه مشحونه = ليه الزوايا بصمت وضيق تقراني
ليه الليالي كئيبه ليه محزونه = ليه المداين غريبه مالها اوطاني
يجاوبه قلبي اللي مختلف لونه = وتجاوبه عبرةٍ بالعين ترثاني
الغيم من غيبتك إرياحه تخونه = ما عاد مثل اولٍ للرعد طرباني
والليل ماعاد يغري الناس بسكونه = خيّم عليه الظلام وبات وحداني
أصبحت للهم والاحزان مرهونه = مابين ذكرى ورجفه هزّت أركاني
ما كنت احسب الليالي صدق ملعونه = ليما نهبتك بصمت وصاح ميداني
ياليتني معك وسط القبر مدفونه = أو ليتني في مكانك وانت تنعاني
يا كتمة القلب لا بيّحت مكنونه = كنّي أشوف الليالي بك تحداني
أول بقربك أشيل البيت ولحونه = واليوم أرثي وصالك يا ضوا اعياني
الله من ضيقةٍ بالصدر مسجونه = والله من منظرٍ شفته وبكاني
زوّد على القلب هم وزادن شجونه = وذكرت ناسٍ جهدها بس تولاني
لو كنت حيٍ يا نبض القلب وعيونه = ماكان خليت خلق الله تبلاني
[/poem]