لو يوزن الاحساس بالعقل والدين

السلام عليكم ورحمة الله وبركاته

قصيده تشرح ما بداخلها .. رغم قصورها عن ما أردته

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو يوزن الاحساس بالعقل والدين = ماكان بعض الناس ضيّع شبابه
مايدري بحجم الخطأ غير بعدين= إن كان ماخطّاف الانفس غدا به
وإن كان باقي من شقا عمره سنين= لازم يوفّي قبل يرحل حسابه
ما ترفع أعماله وفي ذمته دين = ويشوف ميزة عودته من ذهابه
كانت تمرجح به كفوف الموازين = واختار في غيبة ضميره غيابه
لو كان ما يدري رحيله على وين = شد الرحال وراس ماله ثيابه
مع شلّةٍ ما تحتويها عناوين = تجمّعوا باسم الطفش والكآبه
وهناك خاضوا في الحجج والبراهين= وتفرّدوا بالعلم في وسط غابه
والحق له منزل على الراس والعين= ولا يخفّى عن عيون الرقابه
لكنّهم بالحق ما هم بدارين = وعادوا بلدهم وأستحلّوا صوابه
بالحلم آخذناهم وقلنا لهم ( زين ) = توبوا وهذا العفو مفتوح بابه
وصاروا مثل مستبدل الزين بالشين= وقاموا بثورات الفتن والحرابه
وأعذر بلدنا في مساعيه باللين= والله على اللي ما يوفّي نصابه
شعب وحكومه صف ماهوب صفين= مافيه حزبيّه ولا به عصابه
حنّا بدين الله وبالحكم راضين = الدين يجمعنا وحنّا قرابه
لو تجتمع كل القوى يا مساكين= بوجيهنا ... ما زادنا إلا صلابه
أما محقناكم بسيفٍ بحدين = وإلا بدعوة مسلمٍ مستجابه
[/poem]


وسلامتكم وسلامة الوطن