في ذمتي لو أخر أسمك باسرندل والعطّير ..!!

السلام عليكم ورحمه الله وبركاته
مساءكم ورد وعود أزرق
مني إليكم .. والسلام عليكم
[poem=font="Simplified Arabic,5,#000DFF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياسالم أسلم وإستلم عساك بالدنيا بخير=ولاصرت طيب ومتعافي فإعلم الباقي يهون
لاتشتكي من جاير الايام والرجل البصير = يطلب من الله لارفع كفيه قانت كل عون
ترا الفقير أن قالوا العراف بالدنيا فقير = اللي حرفه الله عن درب الهدايه للمجون
وألا التجاره لو تحث إلها الفعايل والمسير = المنكتب ياصلك واللي ما أنكتب لك ما يكون
أتعبت فكرك بس طيع الشور من راس الشوير = أفكار بعض الناس قادتهم ليا درب الجنون
اللي يشوفك قال هذا عمه بمنصب وزير= ما يدري أنك تنحت الدنيا بعزمك والديون
في ذمتي لو أخر أسمك باسرندل والعطّير= ليمدي أمورك تاكزه من كل شكل وكل لون
لكن علي الله والكبير يعيش بالدنيا كبير= والرزق عند اللي تحت طوعه ينشن المزون
تبغى الجدايد ياسليل المجد والسيف الشطير= وأنا علي حطت يدينك ما بعد شلت اللحون
قلبك خضر وتهزك الذكرى مع أنسام العبير= وشعر الغزل يفوح له قلبك كما فوح الدخون
وأنا بعد قلبي خضر لو حل به شرٍ شرير= ماهو علي خبرك هذاك اللي تهيضه الشجون
أخر خبر عن قلبي الوافي مع طفلٍ غرير= رحل ووادعني وسجل وجهته عني بدون
وشلون يرمي كل شيٍ فات بالبحر الغزير= أثر المثل صادق بوصفٍ فات بالطرف الحنون
ماطار طيرٍ وأرتفع ألا بعد ذاك المطير = حول علي جناحه وأنا حولت والدنيا فنون
حولت حبي للعذارى يالسنافي للبعير= كل العلاقات القديمه شف لها عندك زبون
حب العذارى ولع بقلبي صوالي زمهرير= ولابه فوايد غير تجديد المواجع والطعون
وألا الابل غير الولع برعايتك أجرٍ وفير= ولاهي كما فعل البشر لاوفيت في عهدك تخون
يشقابها كف الصخا ما نالها كف القصير = سلعة رجال وبهجة الخاطر وتكحيل العيون
لو إن أهاليها تشكى فعل تجار الشعير = اللي ملت من قيمته كل المخابي والبطون
صاروا كما السوسه ولا يرضيهم الشي اليسير= والسوسه أكبر مشكله لامن غزت بيض السنون[/poem]
الموقع أدناه ..