ياللي تجر الخطآآآآآآوي....!!

مقطوعة أشبه بمحاولة شاعر مبتدأ

مرروها والسلآآم



صلوا على محمد




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياللي تجر الخطاوي والليالي طوال= جاوب على نشدة الناشد ولد النظر
في المنزل اللي حلاله ما يسمى حلال= وعشبه يقطر من الافلاس دم حمر
هاذي شواهد وخل أم الدلع والدلال = تاخذ من الود ما يشفي جنون البقر
وأتركني أشفي غليل الوقت واشرب زلال= في عالي الرجم واتفيا ظلال الشجر
لو أني أدري تلايم هالثنينه محال= مثل أختلاف المذاهب واختلاف البشر
*=*
البارحه همي أطرق بي وزمل وطال= وعافت عيوني لذيذ النوم لين الفجر
واقبلت اجر اللحون اللي تهز الجبال= لين أغرقت عيني الحمرا سيول العبر
واصبحت مقتول هم وعبرتي لا تزال= في محجر العين حمرا مثل لون الحبر
عليك ياللي صوابك في ضلوعي إجلال= ياللي شبرت الضلوع العوج حب وشبر
خليتني في الدروب القشر روح وتعال= واقفيت لا علم جاني منك وآلا خبر
وانا خويك رفيق الليل راف الخمال= منادم الهوج سيد قوم شوخ وجبر
عطني من الود ما يترك لقلبي مجال= يشتاق للصوت والضحكات همس ونبر
واسرج لي الوصل واقرب لا يموت الوصال= واموت من حبك الطاهر ولا القى قبر
هذا كلامي وقلته والليالي طوال= والقلب دم حمر والقلب لاجلك خضر[/poem]