>>>> تعالي ياحمامه <<<<

[poem=font="Simplified Arabic,6,blue,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black""]
تعالي ياحمامه علميني باخر الاخبار=الي ليله وانا بين الرجا والياس ميقافي
اطفي نار بكفوفي وتقبس في ضلوعي نار=وانا لعيونها واقف علي ساق وقدم حافي
اهد اسوار واعمر علي حد الخيال اسوار=يهب الياس ويعلم علي بيبانها السافي
دوي الريح بطراف الزوايا يكشف الاسرار=خلاص احزم متاعك يالمسافر ما حصل كافي
وصاحت وحشتي بين الوجيه تدور الاعذار=هناك اخر محطات الوداع وحلمها الغافي
علي كف العنا غفت مشاوير وتعب واسفار=وصحتها تباشير الصباح ونورها الصافي
وطافت شمعة الحلم البعيد تعلم الابهار=عليها من تفاصيل التناقض جور وانصافي
يقولون العمر مره وانا اقول الحياه اعمار=الي قلب علي نزف الطعون الحمر ميلافي
ذعاذيع النسايم كل ما هبت خفوقي طار=يسريني ليامنه بدا من شرق رفافي
فديت اليل والساقي فديت الول والمحار=فديت الجمره الي بيحت مكنوني الخافي
نسجت الها مراجيح الهوا فل وعطر وازهار=وقسمت الغلا بين الضلوع ارباع وانصافي
ابيها ياحمامه كل ما حدتني الاقدار=تصير لقلبي النزاع مرباعي ومصيافي
[/poem]