يا حي ذا الصوت

نكتب الكثير من القصائد و لكن لا يرتقي لمستوى المرقاب و مرتاديه و أعضائه الا البعض

نتمنى أن تكون هذه إحداها

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مرحبا ياحي ذا الصوت يا حيه=صوته اللي بأحسن أسماي ناداني
صوته اللي فيه بحه طبيعيه=ميزه ربي عن فلان و فلاني
صوته اللي هو سبب كل ما فيه=أعشقه من قبل أشوفه و يبلاني
ناعمٍ تطغى عليه الرومنسيه=كل ما أوحيته بالأشواق يشعاني
و البلا لا قال تكفى بحنيه=كن قلبي ثايرٍ فيه بركاني
ساقني و أتعب على الدرب رجليه=و من بعيد الدار لا نجد سراني
لين جيته في هله لعنبو حيه=ساهج لأجل الغلا دار عدواني
دار قومٍ فالوغى نارهم حيه=نارهم حيه و فالهوش شجعاني
جيتهم حتفي على راحة يديه=جيتهم حواف مير الله أنجاني
لين تم الوصل في وقت فجريه=قبل أبوه العود يصدح بالآذاني
بعد شوفه قلبي ارتاح من غيه=ما علي لو مت ضامي و جيعاني
يا فهد يا عزوتي حالتي سيه=حبها للموت يا خوك يحداني
لا تلوم اللي عيونه شقاويه=للسهر فيها علامه و برهاني
لو سمعت الصوت و أوحيت راعيه=صابك اللي صابني يا كحيلاني
لو تكلم تحت ضلع الصبيحيه= يمكن يسلهم و تنبت له أذاني[/poem]

و سلامتكم