ابوه وصاني عليه

أعلم أنني لااحتاج لترحيب فقط لسبب أني راعي محل

والمنتدى اللي فيه ابوفيصل حبيب ومعيض وانتم يشرفني الكتابه فيه
وأحب ان اشكر معيض العتيبي ومسعود اليامي على دعوتهم الكريمه
وهاذي أتمنى ان تنال اعجابكم



[poet font="Simplified Arabic,4,black,bold,normal" bkcolor="transparent" bkimage="backgrounds/9.gif" border="double,4,sienna" type=2 line=200% align=center use=ex length=0 char="" num="0,black" filter=""]
البارحه ياسعود راح الليل اناظر ساعتي=......وهو ماظنيّ يشغل افكاره وينظر ساعته

شريت حبه فيه مايربح زباين باعتي=......شريته بمستقبلي وقلوب غيري باعته

أبوه وصاني عليه وصار في وداعتي=......والظاهر اني من غلاه العذب صرت وداعته

ولامن طرالي أرتبكت ورحت له من راعتي=......ومن كثر ماقلبي ظما لقياه عيني جاعته!

ماجيت ابيّن فالقصيد المهتوي براعتي=......ولاجيت أعلق تالي اخطائي على شماعته

هو مطمعي لاصرت ادوّر في الهوى طماعتي=......وهو تالي احبابي ولو حبه عذولي ناعته

يطيع بعض احيان ويطاوع ويدخل طاعتي=......واحيان لا والله اجي وازبن رضاه وطاعته!

ياسعود رغم انه خذا قلبي بقا فـ بضاعتي=......حلم ٍ بهاذيل السنين المستبده لاعته

والا الحقيقه وان بغيت الجد بااستطاعتي=......ماانساه لين الموت حتى هوّ بااستطاعته

لأني اغليته غلاً يسوى غلا جماعتي=........ولأنه اغلاني غلاً يسوى غلا جماعته

ودام ٍ قناعاتي على شفه فاانا بقناعتي=........شريته بمستقبلي لو كل عين ٍ باعته!



الدوادمي1420 هـــ أخوكم /بندر بن محيا

[/poet]