عميق الجرح

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ادري وتدري ضيقتي ما للهموم الا الورق= بنثر على سطره جنون افكاري المتضاربه
ان جيت اسولف بالحكي في غبة اسئلتي غرق = ليت الكلام الحر زهّب للمعاني قاربه
لو الحزن يحكي لنا عن ليلة اصحاب الارق= كان الزمن وقّف على شان الحزن عقاربه
قد لي ثلاث سنين والحلم المعتّق ما مرق= عثرة معادينه تهدد خطوته و تحاربه
باقي على جمر الزعل من حر مابه يحترق = ليه الليال الماضيه ما حققت مآربه

يا كيف ابقطع دابر الحقد المسكّر للطرق= ما دام حاسدني يسدد للهدف و يقاربه
اجرح و سيّل دمعتي , ذنبك عن العالم فرق = ياللي على درب الخطايا غرته تجاربه
طفّيت نجم البارحه من عقب ما ضوّه برق = واصبحت تنشد في نفاق .. [ البارحه من جار به ؟ ]
ناسي ظلامك كيف عمّه لين بالعاني سرق = نوره و سلطانه و قدرٍ بالخفا محتار به

باكر يجيك العلم عن عزمٍ على النيّه زرق= من بين فكّين التخاذل والعنا و آقاربه
ماني على النفس العزيزه ألطف امن اول و ارق ,= ان كان ما نسّيتها ظلم احتمل ما صار به
يا مدوّرين ام الحقيقه عند قطاع الطرق = الحق ضاع بعرفهم وتشتت مضاربه
ما جيت اطالب به وهو بين الزوايا مندرق = خلّه عساه يغيّر طبوع النفوس الخاربه
جيت وعلى صبري علم من بادي الدنيا شرق = جيت وعميق الجرح يزرا بالظلال الهاربه
بآروح لا شفت (المكان العالي) بيدّه طرق = بيبان ( سقها ) و ( استريح ) و ( كدرِّو مشاربه )
بآروح لو درب العلوم الصايبه ما ينطرق = من ناس جرّتها تحدد مستوى مساربه
اروح اقول لضيقتي ما للهموم الا الورق= وانثر على سطره جنون افكاري المتضاربه[/poem]