الـــــــــو جـْـــــــــد

السلام عليكم ورحمة الله وبركاته

اسعد الله جميع اوقاتكم بكل خير

للتواصل معكم هذه

المتواضعه ..




[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""] الهموم المرْمسه يا علي قامت تزود=كنها عملة ربا والربا خاب اعملاه
كل هم يجيب حجه ويلقا له شهود=والشهود حساب الايام وهروج الوشاه
يا وجودي كل ما لآح برق وهب نود=وجْد من حدّه زمانه على منّة اعداه
أول اسنينه طموحه تصرم عود عود=وآخر اسنينه تشفّق مواريد الحياه
قوْ باسه في عزومه مثل قدْح الزنود=الجمت فم مبغضه واضحكت سنْ اصدقاه
شاب دقنه عقب راسه وهو ماهو بعود=عز نفسه من عصا العز باكورة عصاه
أو وجود اللي اخوانه دفنهم فاللحود=بعد ما صلى عليهم وشاف الموت جاه
جاه همٍ يملك العاطفه ملّكت يهود=جاء وجاه وجته الاقراب من كل اتجاه
التعازي داخل البيت عن لطمْ الخدود=في المصيبه يجبر الله عزاهم مع عزاه
عزوةٍ يعرف ولدهم على طيب الجدود=يفتخر في طيب ربعه وطيبه من وراه
الاكيد ان العزاء جبْر خطّر ومحمود=سنْة الله في عباده وحكمته وقضاه
والتوجْد بعض الاحيان طبٍ للكبود=لا تشيّط هاجس الهم من قلّة جداه
ما اتوجْد ضعْف والعود في عين الحسود=يا مطاليق النشاما ويا وجيه الغناه
اتوجْد من زمانٍ يحط النقص زود=والصحيح يكذبه والردي يدمح خطاه
والشريعه تكفل النفس وتعمر الوجود=مثل عمران المساجد على روس الطغاه
ما يصلى في حرمها صلاه ابلا سجود=كود سنْه فوق الاموات من عظم الصلاه
والزمان اللي جيوشه سلاح بلا جنود=ما يثمّن كل مبدا ويرفع مبتداه
الليال المظلمه سبعه وعشرين سود=والثلاث البيض للخير والنور لدجاه
اتسلا بالأمل والصبر بين الوعود=أملكه وادفع زكاته لعاملة الزكاه
مع وسيعين البنايد بعيدين السدود=الرجآل بكل معنى ومنطوق وسمْاه
الزكاه تطهر المال والمال امعبود=يعبده من سوّد الله وجهه في قفاه
نقد من حدْه على الوجْد جود ونفح جود=ادري ان المعطي الله ويعطى من عطاه
ويدري ان من لاتجمّل وجمّل ما يجود=لو يجود طويق بالصمت لجبال السراه
جعل فقر الدم والمال في كل معقود=ولايجي كل ابلجٍ قرم يقريك بنباه
ياعلي والفضل والشكر ما فيها جحود=نعمة المنعم على الخلق والأرض بسمآه[/poem]