مع جناب الود مسراك يالليل الطويل

لا اعرف كتابة المقدمات

وإنما أثر خوة سفر مع جناب الود

أتت هذه البويتات عسى أن تجد القبول
,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الوكيـل الله ولا غيـر خالقنـا وكـيـل=و السياقة عند غيري لصوتـي مهتـوي
طال مسرى الليل ياهاجسي صبر(ن) جميل=والنجوم الساريه معـك والليـل سـروي
يا هجوس(ن) راكده ما تهيض لكل قيـل=هيضك من قافه لكـل جـزل(ن) يحتـوي
ومع جناب الود مسراك يالليـل الطويـل=والقمر وضّاح والـدرب قدمـي مستـوي
واتسمع سي دي بنظم من جنسـه قليـل=كل بيت(ن) من بيوته مع الطرقـة خـوي
ومدتي مما سمعتـه مـن بيـوتٍ تهيـل=رافقنّي في طريـق ٍ بـه الذيـب يعـوي
وردن حيام الهواجيـس والميـراد ليـل=والصدر عد(ن) طويل المدى وايضا رهوي
و الرشا من الفكر متسلسلٍ مالـه مثيـل=ذكريات العمر في الذاكـرة تمـلا الـروي
و كل ما صدر عن العد ذود يجـي بديـل=و الحياض ملي ما حافهن خطـو كـروي
يوم عجات الصبا ما نعـرف المستحيـل=والمسافـات البعيـدات نطويهـا طـوي
كل ما يفتر من ويل يسمـع لـه عويـل=يطرب اللي له تسمّـع وجاوبـه حـدوي
ناصل و نوصل ونسعف من قطع به سبيل=في ظلام الليل والبيد مـا فيهـا جـروي
مـا نكـل ولا نمـن المـزارق بالجميـل=و الليال الماضيـة دونهـن قلـع النـوي
و يا جناب الود خوتك تبقـى لكـل جيـل=لو شريناها من السوق ما جـات هـدوي

[/poem]