أكــبر مـن الأشـعــار / مصـافحـه أولــى

أسعد الله أوقاتكم بكل خير ..


سعيد بتواجدي في شبكة المرقاب الادبيه ..


مصافحه أولى اتمنى ان تلامس شيء من ذائقتكم ..





.
.
.



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]

البارحه و المشاعر بين شوق و حنين=سجيت فالذكريات الماضيه يا بحر

سجيت فيها وانا اللي يا بحر من سنين=مستسلمه نفسي و قلبي لحكم القدر

سافرت لصمت وضلوعي ملآها ونين=واحساسي اكبر من الاشعار قاف وشطر

سجين أي والله أني فالمحبه سجين=ومن لوعة الوقت والحرمان مل الصبر

الوصل مالاح برقه في سما العاشقين=وانا انتظر منك يا غيم الهوى تنهمر

استنزف العشق قلبي واستباح الكنين=وحصيلتي منه آهات ودموع وسهر

يامن رخصت العمر لاجله وجرحه مكين=ويامن ملكني وحبه في خفوقي كبر

ماتدري اني بعد فرقاك حزني دفين؟=وماتدري اني بعد فرقاك عفت العمر

يجيبك الحلم واصحى بين شك ويقين=واسمع غيابك يسولف عن حضور البشر

تعال وهزم جموع الحزن يا اغلى خدين=حتى يزول الظلام بنور وجه القمر

جمعت لك من صدوق الشوق هالكلمتين=واحساسي اكبر من الأشعار قاف وشطر[/poem]