الهجر

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو يطول الهجر فالاربع جهات = ماتضيق الارض ف عيوني نهار
الشموخ اللي كساني بالصفات = مايهزه ريح ياعمري مجار
كل دربٍ له صفات وله سمات = وانت دربك لايمين ولايسار
انقطع حبل الوصل والود مات = لا تحرى للمقادير انتظار
شاب عمر الحلم واخفته الحياة = مابقى له في صميم الذات دار
يالمسافر من خفوقي فات فات = وقتٍ انته كنت فيه الاختيار
مشغلن فكري وعيني ماتبات = كنت بس اسهرك وحلامي كبار
كنت اسولف عن غرامك للبنات = وعن لقانا ويش قلت ويش صار
املا الدنيا حديث وملهمات = في وصوفك وارسمك بحلا يطار
مادريت ان الليال المقبلات = تاتبين لي خطاك اب لاعتذار
الحياة دروس عمر وتجربات = (والمحبه نوب ثلج ونوب نار)
عن سموم البعد ويباس الشفات = قد خذيت من الصبر ملبس وزار
ماشكيت الهم واشواقي سبات = حطها مابين عينك باختصار
لو يطول الهجر فالاربع جهات = ماتضيق الارض ف عيوني نهار
[/poem]

تونيه
المحبه نوب ثلج ونوب نار

مقتبسه من بيت للرائع خالد سعيد يقول فيه

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كثر ماسيرت لرفاقي مراكب = الرفاقه نوب شمس ونوب فيه

[/poem]