امسك أرضك

.
.
.

السلام عليكم ورحمة الله وبركاته.

أخواني أعضاء المرقاب ..

نص جديد يفخر بمروركم عليه ..

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
والله وشفت حالك والله وصرت غير=صار وضعك في هذا المجتمع مو سهل
منهو قدك يا عمي جخ وأسمك كبير=العرب حبوا راسك وأنت توك طفل
صاروا الناس عندك يرهنون المصير=( يازمان العجايب وش بقى ) ما حصل
هد من سرعتك لا تستجن وتطير=حتى لو أستوى دربك وزاد الأمل
بكره يجيك دوار العنا مستدير=وترجع اجباري لـ خط البداية قبل
لا يغرك زمانك يا ذكي يا بصير=اللي معطيك عقلك معطي غيرك عقل
امسك أرضك وفكر بالمحط الأخير=وشيل حملك وخلك للثقيلة جمل
البنادم بدون الناس مافيه خير=اللي مثلك من الواجب يلم الشمل
وكان مانته بحاجتهم وخيرك كثير=التواضع معاهم يثبت انك رجل
احترمهم ما دامك بين ورد وعبير=ينفعونك ليا ضاقت عليك السبل
التغلي مصيبة والتكبر خطير=يكفي انك كسبت الشهره إبلا فعل
[/poem]

خالد الديحاني

..