انا وصلني علم من ؟؟؟؟؟

السلام عليكم

هذه قصيده مدري سالفه الأكيد انها جديده..

وموضوعها اني سألت الاخ فارس بن عمير عن الاخ عبدالله بن سعيد..

وجاوبني : مريض ومدري وش قال غيرها

ودقيت أبي أتطمن على عبدالله وما رد وجت القصيده عفويّاً ..


والقصيده هذي وهي موجهه لـ عبدالله بن سعيدمن باب المداعبه ..


وتراها ما تعتبر قصيده .. يعني لا احد ينقد


[poem=font="Simplified Arabic,5,darkblue,bold,normal" bkcolor="transparent" bkimage="" border="ridge,2,darkblue" type=1 line=1 align=center use=sp num="0,black"]
أنا وصلني علم من [فارس عمير]=الحافي اللي عندنا فـ السريّه
يقول [عبدالله] على حافّة البير=عهدي به البارح وحاله رديّه
يالله عساها بس [حمّى خنازير]=وإن عاش وألا مات ماهي قضيّه
خلّه يموت ولا [يذوق التعازير]=أحسن يموت وعلته باطنيّه
بعدين [عبدالله] حريصٍ على الخير=وعلاقته مع دين ربّه قويّه
صوّام ومصّلي ولا يظلم الغير=وموته بـ شهر الخير يحسب مزيّه
يمكن وفاته تمنعه من زمهرير=يصبح شهيد ولا يموت بخطيّه
قلت أنت علمك تقتفيه المعاصير=حيثك خويٍ طامعٍ في خويّه
هذا [ولد سامر] زبون المخاسير=وموته عليك من الرزايا رزيّه
دايم محله مدهلٍ للمسايير=راع الكرم والدلّه الشاذليّه
ودقيت أبا أخذ منك علم وتباشير=علمٍ يكذب من يودّك بـ سيّه
وأبطيت ما رديت من دون تبرير=وبدّلت عقب أبطيت نيّه بـ نيّه
وعودت للحافي وقلت أنت [الأمير]=يموت [عبدالله] وعشرين زيّه
الصبح تبكيه البنّي الغنادير=وإن عاش ما يلحق عياد الضحيّه
من شان لا دقيت أبي منك تقرير=عن حالك اللي بين هذي وذيّه
ما تتقّي عن صاحبك فـ المعاذير=ولا عاد تسحب [يالسماري] عليّه[/poem]


وسلامتكم