لكن أنا ما اغدر ولا أرضى الخداعي = ومن خلقتي ما قد تقدّيت بأنذال

,
,,
,

السلام عليكم ورحمة الله وبركاته
,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] في البحر و امواجه نفـل الشراعـي=يوم إن سوق البورصة خبّث البـال
و ريم الفلا يرعى الفلا بدون راعـي=ولا هوب متذيّر ليـا شـاف خيـال
ياشيب عينـي يالعيـون الوساعـي=نجلا عيون بشبحـة الرمـش قتّـال
وياشيب عيني ويش حدر القناعـي=من بسمتـه يذبـح ثمانيـن رجـال
شفته ومعه الحق بالبطـل ضاعـي=و الكل يشهد لـه ليـا قـال يـالال
و الشوف يفرق حسب نوع المساعي=و عيني بريّة ما ابهت أزوال و أزوال
يا مشتكي جور الزمـن والصداعـي=تثبت لك الأيام كدمـوس وش قـال
خيّرت غالي عقب أخـذت إنطباعـي=و إختار , ما خسرني بربـع مثقـال
تصد مـن صـدّه صـدودٌ جُماعـي=وتُبرم حبال و للرشا تقطـع حبـال
والسوق خاسر, من شرى العام باعي=شاف الخسارة واضحة مابها جـدال
خسـارةٌ لـو ماتسبـب ضيـاعـي=السوق يبغى أهل المصالح و الأموال
و إن قلت شك ومعـه زود اندفاعـي=اقول يمكـن , لكـن الشـك لا زال
والله لو أني من هل السوء ساعـي=لأجيك بإثباتـات يهـدم بهـا جـال
لكنّ أنا ما اغدر ولا أرضى الخداعي=ومن خلقتي ما قـد تقدّيـت بأنـذال
و الا علوم السوق ضحك اصطناعي=في كل ساعـة فيـه يتبـدل الحـال
والدرب قدمـي والفيافـي وساعـي=و خل الخطأ مني و أنا اليوم رحـال
و دربك سفير اقولهـا فـي وداعـي=و الكل يعرف ماقفـه فـوق الأقـذال
و مافيه مخلوق(ن) لوى لي ذراعـي=والنفس طابت ما مع الباب مدخـال
و سلام مثني مـع سـلامٍ رباعـي=ولا نيب مكلوف(ن) بترديد الأقـوال
و العلم وصلك مـاش للهرج داعـي=و اقول لك مشكور في كل الأحـوال
هـذا قـراري نابـع مـن اقتناعـي=ما عاد لي في السوق مارد و مدهال
وفي البورصة مهما يطول الصراعي=مع هيئة الأسواق ما ششـت لقتـال
و العز يغنـي لـه كبـودٌ جياعـي=والتجربة تخدم لها أجيال و أجيـال [/poem]