أســتــغــــفار

للتواصل مع المرقاب
ووداعيه للشهر الفضيل

[poem=font="Simplified Arabic,6,royalblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياللي حكاياتك وهم واحلامك الخضراء رماد=وانته على الدنيا شفوق ولا عرفت تطولها
قلي وش اللي تكسبه وانته بلا زاد وعتاد=في يوم تلهى المرضعه عن ماتشيل حمولها
الناس حد افعالها وانته على احسانك مزاد=وكلاً على ماقدمت يمناه ياخذ طولها
من قبلنا ماخلدوا فيها ثمود وقوم عاد=راحوا وخلوها خرابن خاويات نزولها
حسناتنا وش قلها وذنوبنا كثر الجراد=وحنا نسوق ركابنا واعمالنا ب حثولها
ياويلنا من يومها لاحان ميعاد الحصاد=محدن يوخر ساعته لاجات دق طبولها
مار انتبه ياصاحبي ماعاد بالدنيا مفاد=اعمل مثل ما اعمل وخل الدارجه بقفولها
لاضاقت الدنيا علي .. وصار مشقيني السهاد=ودورة نفسي بالوجود .. ولا قدرت انولهـا
ارخيت حبل المسبحه للي خلق كـل العبـاد=استغفره مـن سـو نفسـاً ماتعـد فعولهـا

فراج الهجيني
[/poem]