علاوي نجد لــ ( عيد بن مربح )

السلام عليكم ورحمة الله وبركاته

قصيده للشاعر عيد بن مربح الرشيدي اتمنى ان تروق لكم .


[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياعلاوي نجـد علـك مراديـم السحـاب=ديرةٍ فيهـا تربيـت يـوم انـي صغيـر
ياطبيب النفـس وشـو عـلاج الأكتئـاب=اعطني وصفة علاجه ترى وضعي خطيـر
عشت في غربة حقايق وفي وضع اغتراب=والتجارب عرفتنـي علـى الشـي الكثيـر
شفت ناسٍ ترسم الورده بصدر الغراب=والغراب ليا بغيت ألمـس الـورده يطيـر
استفدت من الذيابـه ومـن نبـح الكـلاب=واستفدت من الرغا واستفدت مـن الهديـر
ولاكسبت إلا معرفـة عزيزيـن الجنـاب=ولاخسرت إلا معرفـة عديميـن الضميـر
أقترب لامقترب شيـن بعـض الأقتـراب=أبتعـد لامبتعـد شي فـي حقـي كبيـر
ياسؤالي كل ماطرحـك مالقالـك جـواب=مالي إلا الصبر وأهل الصبر توعد بخيـر
وصف خبلان الرخا مثل ضحضاح السراب=يفرح العطشان شوفه يحسـب انـه غديـر
للردي لو هو ولد عم لاتحسب حسـاب=كم عزيـزٍ ذلـه الوقـت بضيافـة حقيـر
الـدروس أنـواع تطبيـق والا انتـسـاب=بس أنا اللي طبـق الـدرس قـدام المديـر
ياغريب ان مت شلني اليا هاك الهضاب=حط قبري بين عنتر وابـن عمـه زهيـر
حطني في مقبرة عبس مروين الحراب=حطني بأعلى علم عبس مروين الشطير
وان عسرك الوقت نطلع ونرجـع للتـراب=ويـارث الأرواح الإله الأول والأخـيـر
اول الدنيا طـرب وأوسـط الدنيـا عـذاب=وأخرتها الموت والقبـر وحسـابٍ عسيـر
ياجزيـل الملـك ياكافـل رزق الذيـاب=ياإلاهي مـن عذابـك برحمتـك أستجيـر[/poem]

لكم فائق احترامي وتقديري ...!!