كل نفس ٍ لابد إنـْها تذوق الممات !

،

السلامـ عليكم ورحمة الله ،
إن كان أعذب الشعر أكذبه .. ، فـ الرثاء أصدقه ،

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يالرثاء بالشعر خلّ المعدّل يزود=إجمعه عندي ورتّبْه بعد الشتات
أشهد إن الخبر للقلب ما فيه جود !=( بنت وايل ، أبوها غاب عن هالحياة )
إرتجف قلبي وصاب العظام البرود=وعقب ماهو قصر .. فرْحي تبدّل فتات !
أحسن الله عزاك بصبر منْه وصمود=وعظّم الله أجور أهلك بزود الثبات
إكتسانا الأسى .. والحزن ماله حدود=نشترك به معِك وعيوننا مدمعات
مير تدرين دمع العين ما منْه فود=والدك حاجته .. دعواتنا بالصلاة
في حياته فعوله للمكارم حشود=خابره قرب وأغراب .. وربوع وعداة
ما عرف في دروب الخير صد وجحود=صايم .. مْصلّي .. ومدّي فروض الزكاة
ما مشى في دروبه مع حسود وحقود= وإن عطى ماتقول المعطيه .. خذ وهات
إعلمي لو نعمّر .. ما يظل فالوجود=غير وجه الولي .. وكل ٍ فنى به ومات !
وثّقي حبل إيمانك برب ٍ ودود = يوم تعرض عليه الخلق ترجي النجاة
نسأله نور قبر .. ووسْع ضيق اللحود = ويغفر ذنوبه .. ويرحمْه عقب الوفاة
ويسكنه جنة الفردوس .. دار الخلود=دامه بدنيته .. رجل ٍ كريم الصفات
أدري إنك على علم وبقوله بزود .. = .. كل نفس ٍ لابدّ إنْها تذوق الممات !
[/poem]

كل نفس ٍ لابدّ إنْها تذوق الممـات !

،