الزعيم الهلالي ( نادي القرن )

بسم الله الرحمن الرحيم

السلام عليكم ورحمة الله وبركاته

اقدم لكم ابيات بمناسبه حصول نادي الهلال على لقب نادي القرن عن قاره اسيا

ولا نهظم حقوق الانديه الاخرى في قوتها ومنافستها الشريفه في شتى المجالات

[poem=font="Simplified Arabic,4,darkblue,bold,italic" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black""]
حل الفرح والسعاده والمسرات= وغنت على كل غصن اخضر حمامه
مبروك ياهلال ياراع الصعيبات= اخذت نوط الزعامه مع وسامه
انصفك الابداع في كل المجالات=يانادي القرن ياسيد الزعامه
زعيم كل النوادي من عصر فات= تاريخ مجدك علا فوق الغمامه
لايق عليك اللقب يزهاك بالذات=قرار فيفا وصادر من نظامه
اموثقه بالورق ضمن السجلات=هذي حقيقه ولافيها ملامه
ياهلال لك ماكر ٍ فوق الطويلات=من فوق هامه وترقى فوق هامه
اللون لون السما ويّا المحيطات=وتاخذ من البدر لونه في تمامه
اخذت في آسيا صوله وجولات=جبت الكؤوس الثمينه بنتظامه
انشهد انك تسيّدت المنصّات=حطيت في آسيا ختم وعلامه
يامدرسة فن كوره مع ثقافات= فنك كمل بالملاعب روزنامه
عندك اداره حكيمه للبطولات=في عهد امير الوفا ويّا الشهامه
وجهاز فني واداري للمهمات= مثلك على الماد مانرضى انهزامه
ودفاع صامد بلا هفوه وثغرات=يصعب على الخصم هزّه واقتحامه
وعندك وسط لالعب يملك مهارات=يعجبك فنه ولعبه وانسجامه
وهجوم ناري ويبدع لك بهجمات=يجيب الاهداف في مرمى خصامه
الخصم من هيبتك تفكيره اشتات=والفوز مضمون وللخصم احترامه
وراك جمهور يهتف لك بالاصوات= جمهور وافي وصرت اغلا اهتمامه
عبّرت عن خاطري في جملة ابيات=يقوله اللي صدوق ٍ في كلامه
[/poem]

محمد مرزوق السميري