المحبه بعضها قبر والهجران موت

اعتذر عن غيابي

واتمنى ان ترتقي لذوائقكم الراقيه






[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
الهموم اللي نبت حزنها بصدري نبوت=كل ماقلت صفحت عن خفوقي ماصفحت
مايفرّق جمعها لين يجعلها شتوت=غير من تدني بعيد المسافه لانتحت
الجناح جناح طاير لو ان الشكل حوت=تشبهه لاناحرت بالشكل ولا سنحت
الجوانب حجمها ضخم والخشم معفوت=عن مصادمته هوى الجو منخفض ٍ تحت
لارزمت وسط المدرّج ترزام الخفوت=ومالت الساعه لوقت المغادر وارجحت
استلمها كابتن ٍ بالثقه كله ثبوت=واستقل بها للاجوى البعيده واجنحت
تعزل عنها طفوح المزن حتى تفوت=مثل ماتعزل رغاة الحليب اليا طفحت
غادرة في رحلة ٍ تنبي بزين البخوت=يوم اقلتنا على متنها ثم سبحت
لي ثلاث سنين صابر على ضيم الوقوت=واتلزى عن سموم الهواجس لالفحت
ودي اتمكن بفرصة لقاها قبل أموت=واسمع طيور الغلا فالروابي لاصدحت
فارع ٍ لافضفضت لي نواظرها السكوت=احتداها الصمت عن فضفضتها واستحت
المشاعر يمهامبحره مثل اليخوت=ماحرفتها امواج بحر ٍ من الهم طفحت
كن خيالي شاشه وكن طاريها رموت=وين ماينحى خيالي طواريها نحت
صار طاريها شراب ٍٍ لخفاقي وقوت=اتقوابه على اوضاع وقت ٍ ماصلحت
واتسلا يوم اوصف حلاها فالبيوت=وكل ماعيد البيوت بحلاها استملحت
ايه ياسلمان والعشق جبار ٍبهوت= لابطش جلالته فالقلوب استجرحت
في ثراه اتعبنا الافكارواحفينا السبوت=لين حطت عند باب الفراق ولابرحت
وانهدم حلمي بليل ٍ من الفرقا مقوت=اسفهلت بالاماني نجومه وادبحت
واتركتني للسهر ولتمتاع الشموت=لين ضاقت بي من الهم الارض وما طحت
اشرف المرقاب بالهم واسج الخبوت=وافتح الثوب لهبوب الشمال اليا نفحت
المحبه بعضها قبر والهجران موت=والنفوس اليا دخلها الغرام استذبحت
[/poem]



ملاحظه : سلمان بن محمد السليمي الحربي



وســـلامـــــــــــــتك