رساله..إلى (..آخر المشوار..)

جديدي مع التحيه

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يغيب الوعي..لامنّي ذكرتك...ياآخـر المشـوار..!!=وأفيق!! وفي يدي خيط الأمل..لوطـال مشـواري!!
وأنا من وين مايممّـت وجهـي لـدّت الأنظـار..!!=تعرف..أنّي على درب العُلا ..ماتقصـر أشبـاري!!
صحيح..أخترت..لكن فالحقيقه..ماقدرت أختـار..!!=بعـد ماجفّت..أقـلام الرجا..وأختـارت..أقـداري!!
تعاتبني..!! على قلْ إهتمامي!! والحيـاه أقـدار..!!=وأنا لو تقتـل أحلامـي هلْـي مادوّروا...ثـاري!!
توكلنا..علـى الله وأبتديتك..والعمار..قـصـار..!!=ليا طوّل..غيابـك يانديمـي جيت.لـك سـاري..!!
أحث إلك النوايا..وأعلن الثـوره علـى الثـوّار..!!=ولايجهل طريقي.!! غير وجه ٍ يجهـل أعـذاري..!!
أسافر للخيال اللّي عمرني..!! والخيـال أسـرار..!!=وأعيش وهمي الواقع..قبـل ماتكشـف أسـراري!!
بنيت اسوار..!! لكنّي لاجل وصلك هدمت..أسوار..!!=نهش ذيب المواجع عزتّي فـي زحمـة أفكـاري!!
وأنا أرفع كفّي الطاهر..عطش..يامنشي الامطار..!!=يلـوح البرق.!!وتهـلّ السحابه..ماطفت..نـاري!!
تحسب..أن السفينه ضايعه..في غفلـة البحّـار..!!=وأنا اللّي يوم أصارع موج بحرك..للوغى ضـاري!!
كثر..ماتوقف بوجه العواصف همّـة الأشجـار..!!=كثر..ماقلت لك مامـات جذعي..والنهـر جـاري!!
كثر..ما أغرت بساتيني فراش العشـب بالنّـوار..!!=كثر ماقلـت للمنفـى تعبـت وطالـت أسفـاري!!
طموحي لوغدى قبل ألتفت لك بين نـار ونـار..!!=بقى بين إلتفاتـات الظـروف وشمعـة أشعـاري!!
قدرت أوصل رغم أنف التعـب للـول والمحّـار..!!=ورى سبع البحور..اللّي عليهـا شعّـت أنـواري!!
مثل ما للغصون..أثمـار يبقـى للوصول..أثمـار!!=عساني عقب ما أسقيتك سنيني تجنـي أثمـاري!!
ولو نجمي تعلّى وأنسجم فـي زحمـة الأقمـار..!!=عرفت إن القدر مهما أجْتهِد في دبـرت البـاري.!!
صدح صوت الكلام البْكِر وأغرى لمـة السمّـار..!!=مدام الحرف حرفي واللحن مـن عزفة..أوتـاري!!
توكلنـا علـى الله وابتديتك..ياآخـر المشـوار..!!=بداية ألف ميل..!! بخطوتي لـو طـال مشـواري!! [/poem]

وسلامتكم