كبار القرايح !

السلام عليكم ورحمة الله وبركاته
صبحكم \ مساكم ,, الله بـ الخير

من الارشيف , أتمنى قبولها !

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إن كنت صامل نيّتك تنقل الطير = عليك في سمع الحكم والنصايح
خذها من أفواه الرجال الصقاقير = اللي يعرفون النظم واللوايح
إن طالت الدنيا ترا وقتك قصير = تغانم الفرصه ترا الوقت رايح
نحسب على الدنيا حساب المسايير = ولا بد من يوم ٍ تنوح النوايح
الطير له قيمه وحشمه وتقدير = تهيض في ذكره كبار القرايح
يزيد قدره لا طلع صبح وعصير = وأنت أتحرّا أبرق الريش لايح
تسرّ في نفسك دعاويك بالخير = تاخذ ولا تدري من الغيم طايح
لا شفت بثّ الريش تنسى المخاسير = والخرب الازرق حدره الدم سايح
و وّزان صيد الخرب من غير تفكير = أتنزّل العزبه وتطرح طرايح
في جو ربّع فيه نبت ونواووير = تشم فيه أمن الخزامى روايح
وتشب ضو ٍ لـ الدلال المباهير = والشاهي اللي بـ أطرف الجال فايح
هذا الهوا وأترك ربوع الدواوير = أطرش ودور شاردات ٍ سرايح
وأقنص مع اللي ما خذوه المداوير = من طار من ماكره مابه شرايح[/poem][/poem]