بالله ماااايقهر

[poem=font="Simplified Arabic,6,black,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تدرون وش يقهر رياجيل وابطال=اكيد بتقولون قلّ الريالي
يمكن لكن ما المسأله قرش وريال=المسأله فيها علومٍ طوالي
فيها لخبلان الزمن قدر واجلال=ولابه لعكفان الشوارب مجالي
قصه طويله حيرت عقل رجال=تفرض عليه المرّ ويقول حالي
تناتفوها بين ظالم ومحتال=وامست على روس القمم والجبالي
فيها لبو وجهين جرّه ومدخال=وعنها يصدّ معرّبين العيالي
وساقت لراع الكذب دله وفنجال=ويشومها رجلٍ كريم السبالي
واضفت على الدجال من غصنها ظلال=ومن دونها راع المطيّه يلالي
عز الله انه مشغل البال يارجال=حملٍ ينوخ كايدات الجمالي
لاشفت من كانو على هوٌن واذلال=واليوم في روس الطوال العوالي
واصبح لهم في عالم المجد منزال=وارهو على العدّ الطويل الزلالي
ياخال لاتنشد عن الحال ياخال=ماعندي ألا قول وآعزتالي
لقيت لي واحد على شكل دجال=في مكتبٍ تنصاه روس العيالي
سلام مدري كيف وش لون الاحوال=قال انتظر برا تراني لحالي
جلست اناظر ساعتي وانشد الخال=ياشيخ وش قصد المدير المثالي
ثم التفت لي قال ماتفهم اش قال =ياخي حرام اتكون ضمن الرجالي
السالفه من أصلها شيل وتشآل=ومسافة العامين خمسة ليالي
يعني على ماقيل ياطيب الفال=ازرع وتحصد واليالي خوالي
لازم تغنيها على كل موال=وترخي لها كيس العطا بالريالي
قلت ايه اجل ماكان يخطر على البال=ظنيت انا غلطان يابن الحلالي
سبحان منهو غير الحال بحوال=ياسامعين القول هذا سؤالي
بالله مايقهر ليا شفتو ارجال=يُفرض عليها المرّ وتقول حالي
[/poem]