غــرنــوق

السلام عليكم اعضاء وزوار هذا الصرح الشامخ متواضعه تترجى القبول

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ان ضاق صدري واحتوى الهم بالي=واستفحلن المعضلات الشديده[/poem]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

وترادفن المشكلات الثقالي=ارخي عنان الشعر واطلق قصيده

الياتضايقت انحنى وارتخالي=واعتق رقاب المفردات السنيده
وفيهن أفش الغل لامن طرالي=هموم منها القرم يفقد عضيده
اما يغير الهم من غير والي=اوجت شياطينٍ تراقص مريده
سبّة غرام وخل جاب العنالي=غرام صالي بالحنايا وقيده
غرنوق يرخص لاجلها كل غالي=تاج الجمال وسيّدة سيد سيده
ظبيٍ يقود الريم قود التعالي=قايد وكن الريم حوله عبيده
اقول بصطاده لاجالي مجالي=وان جيت اصيده سلهم وصرت صيده
الرمش من طوله يجي له ظلالي=والعين تحت الظل ماسه فريده
وليا تبسم صحت يا ويل حالي=يبرق ثغرها برق حالي يبيده
وعقلي غدا وارتفعت اسهم هبالي=وانخفضت اسهم كل جمله مفيده
فيها شموخ الراسيات العوالي=وفيها من النمرود حاجه وحيده
الحاجه اشوى ما تقطّع وصالي =وجه الشبه ما بينهم هي عنيده
اليا رضت خلّت لي المر حالي=وافنت هموم القلب وانعاد عيده
ويطربني احكاها ويسمو خيالي=فوق النجوم بصحبت اعذب نشيده
وان زعلت حاس الزعل ما صفالي=وظاق الوجود بعز لحظه سعيده
كني فــــ بحْر وهاج موجه اقبالي=والماء غمرني والشواطي بعيده
ومهما تعل القلب ما ضاق بالي=عادة عروق القلب تنهب وريده

[/poem]

بدر ناصر المورقي