ما تلحق عليه الخساره !

السلام عليكم


متواضعه للتواصل وللجمس نصيب من الشعور





[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا اللي شريت الجمس ما انته بخسران=الجمس ما تلحق عليه الخساره
الجمس والله ما يقدر بالاثمان=لو كان لا لوحه ولاش استماره !
وارد سنة سبعين من دون حقران=ثمانيه .. تسعه .. جمال ونظاره
عزالله انه صمموه المريكان=مكينه ورفرف وقير وغماره
له تانكي رسمي وفي جنبه آمان=كبره .. وفالطبلون حطوا زراره
في محطة البنزين جايع وضميان=لي ن ميامينه ولي ن يساره
واليا أمتلا في داخله كل خزان=قدم واخذ له لفةن واستداره
طيارةن لكنّ من دون جنحان=من حيث ما وجهّ طريقه مطاره
وش عاد تايوتا ووش عاد نيسان=يعلم اليابان فن الحقاره
الجمس شكمانين ماهو بشكمان=لاديس له تقدح قزوزه شراره
لو ان هتلر قاد به جيش الألمان=ما اظن ينهي سيرته بإنتحاره
يمديه حكمه شامل العالم الآن=في كل بقعه فيه نازي واماره
يا عنك فالصمان ما هو ببلشان=وعلى المزفلت ما تقوم الحراره
يشرونه الجمعين بدونً وحضران=مزيج بين البادية والحضاره
ياما عليه يصخر البعد الانسان=وياما بعد ودا وجاء بالتجاره
جمايله واجد ولا منه نقصان=حسبي على اللي داج به وسط حاره!
لو لي سلطه فالبلد كان .. ماكان=الورع من خلف الدركسون اداره
لو لي سلطة فالبلد كان .. ماكان=يوقف الجمس الصحن فالاشاره
ولو لي سلطة فالبلد كان .. ماكان=مسار غيره في طريقه مساره
ولو لي سلطة فالبلد كان .. ماكان=منطول بديه في كراج الوزاره
ولو لي سلطه فالبلد كان .. ماكان=من فوق كبوته محلّي شعّاره
ولو لي سلطه فالبلد كان .. ماكان=ابحث ولا حصل قطعه وغياره[/poem]




محبه وتحيه :8787: