هنا

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]




سقاك الله يادار(ن) سكنت ابها زمـان العـام=
يومن الحب ما بيـن الظلـوع يشـب نيرانـه=
عليه طاحت دمـوع الولـه والشـوق والألام=
هنا جددت حب ابن الملـوح بآخـر إدمانـه =
هنا ماأغرتني الشهره وأنا شاعر قـوي إلهـام=
هنا ماكنت أقول أحلا القصيد إلا على شانـه=
هنا من سمع في شعري سأل وينك عن الإعلام=
هنا ماصغت به من بحر شعري غير مرجانـه=
هنا حبيته الحب الصحيح وهمت فيـه اهيـام=
هنا ماكان غيره في خفوقـي ماسكـن خانـه=
هنا ماكان رقمه في جهـازي يشبـه الأرقـام=
هنا ماكنـت حافـظ فالمدينـه غيـر عنوانـه=
هنا لو طول الغيبات شالونـي بقطعـة خـام=
هنا كان الأهل والمجتمـع حضـره وبدوانـه =
هنـا كنـت أتأثـر كـل ماتلفحنـي الأنسـام=
هنا كنت أتصاعب مع مرور الوقـت نسيانـه=
هنا كنت أحتفي في شوفتـه وأزيـن الهنـدام=
هنا كنت أتقهـوى كيـف بغـداده ورسلانـه=
هنا ماكنت أعـد بوصلـه الساعـات والأيـام=
هنا كنت أنتشـي عـوده وكنبـوده وريحانـه=
هنا كنت أتناثر حزن يوم أسمع صدى الأنغـام=
هنا كان السمر والليـل بعـد ايفـل جنحانـه=
هنا كان الطموح وحلمي اللي مابعـده أحـلام=
هنـا لمواصلـه يامـا سألـت الله سبحـانـه=
هنا فضيت له نفسي ولأعرف للظروف أحكام=
هنا تفرحني أفراحـه هنـا تحزنـي أحزانـه=
هنا يامـا عليـه أغـار وتهددنـي الأوهـام=
هنا حاسد عليه أمه وأبـوه وجملـة أخوانـه=
هنا والصحف جفت بالفراق ورفعت الأقـلام=
هنا ماكـان بمكانـي وهـو ماكـان بمكانـه=[/poem]