..... حروف الغضـــــــــب .....

للتواصل ايها الانقياء
7
7
7

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
اسرجت خيل الفكر وايقضت العيون الغافيات=وسريت فكري في دجا ليلِ يضيع ابه الدليل
اخذ على نفسي عهد والعهد ميثاق وثبات=ماتنثني رجلٍ مضريها على الدرب الطويل
عشت بخيالاتي وسبلت الدموع الغاليات=وارتعشت الشفه وجت تنطق ولو شيٍ قليل
وتلعثمت واستاثرت سر الجروح الخافيات=والستر اخير وبوحها ينبي عن الجرح العليل
يازحمة حروف الغضب لو تصبح الخبزه فتات=مالمها داخل شليله غير معدوم الحصيل
الجوع كافر وانتي ام التفرقه وام الشتات=وانا حبستك وسط حنجور العتب قبل الرحيل
وانا مدام ان اليالي مقبلاتٍ مقفيات=بساير جروح الزمن واصبر على جمر المليل
واغض عيني عن مدا حلمٍ يحطمه السكات=الصمت لو يبر النفوس يمزق اطراف الدليل
معه انقتل حلم الجبان وماتت احلام البنات=البنت يمنعها الحيا والذل في وجه البخيل
ياحلمي المكسور مابعد التعب سكر نبات=نومك ولا موتك لو ان الموت ماغيره بديل
الصدر مرتع للهموم المقفيات المقبلات=مضرب حوافرها مثل ضرب القذايف بالنثيل
لاعيبت فيها الحلوم ولا السنين الفايتات=تحيا على السهر ومواجع قلب مقطوع السبيل
ماني مدور ظل من تحت الغصون اليابسات=اللي تشح بظلها لاولعت شمس المقيل
ماعاد باقي غير نضحك للوجيه العابسات=وحنا تعلمنا من اوجاع الزمن معنى الصهيل
جرح الكرامه ماوراه الا الحقاره والممات=مادام مانقدر نرده بالمقاس وبالمثيل
قررت اكن اللي بقلبي لين يصبح ذكريات=الصبر حكمه والعفو فالمقدره اجره جليل
الصمت اخير من الحروف البائسات الجائعات=والصدق اخير من الكلام اللي كما العقد الجميل[/poem]


.