ماأحب النشر فالجرايد :/

[align=center]؛
بسم الله الرحمن الرحيم

السلام عليكم : :sniper57:

جبتها من (( ركني الهادي )) ولاهيب صريةٍ من الدعايه له ..!
لكن مرروها يالمرقابيين وتقبلوها .,,
:
؛[/align][poem= font="Simplified Arabic,5,#003300,bold,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]
أحبك وحبي مع الوقت زايد=وفي كل قاف أقول يالله تزيده
مري على الأرشيف وألا الجدايد=في ركني الهادي يابيت القصيده
علقت حبك فوق جيده قلايد=وصرتي قريبه فيه وأنتي بعيده
أشاد به مشعان راع العوايد=وقال إنه أصبح مايفوّت جديده
ومن ضمّن ماقاله حزام الشدايد=اللي ليامن غاب غاب الفقيده
أسلوبه أمميّز وهالشي عايد=حّسب أعتقادي من معاناة سيده
لاحظت حزنه فالبيوت الفرايد=ويرجع سبب هالحزن لإشيا عديده
أما من أحداث الزمان المحايد=وألا ماجاء حظه على مايريده
أو إن محصوله وكل الفوايد=من عمره اللي راح حاجه وحيده
( حديدة الفقران ) والحيل بايد=على الحديده صار كنه حديده
أو إن للغربه بقلبه وقايد=والضيم من داره سبايب شديده
أو إن خفاقه من الحب جايد=ونار الهوى شبت بقلبه وقيده
ومع إن جو الحزن ياعقاب سايد=في ركنك بيوته صراحه فريده
ومشعان نهضه فالمثايل ورايد=وشهادته للركن عيدي وعيده
واحد ومن قدره أشوفه بدايد=عسى حياته بالسعاده مديده
وصحيح ماقاله وسيع البنايد=ركني معانتي وحزني رصيده
وكبدي عليها من غيابك لهايد=ماعشت في غيبتك لحظه سعيده
وحبك على جيش الحزن صار قايد=في قلبي ودمي جرى مع وريده
ودون المواصل ذقت مر النكايد=ورجاي فاللي كلبونا عبيده
على الله المعبود ماهوب كايد=في قدرته مومن وعندي عقيده
بين الرجا والياس والفرح نايد=لاأحول عندي مابقى له شريده
والفكّر يشرد فيك بين الشرايد=يوم إن نضم الشعر أحبه وأجيده
ولاقالو أنس الغيض عندي تزايد=في نظرتي ماهوب فكره سديده
صغت القصيد اللي بيوته حشايد=توبيك للي شافها في بريده
ولولاي ماأحب النشر فالجرايد=ودايم أكرر هالكلام وأعيده
نشرت في حبك جزال القصايد=اللي يشيدبها زبون الجريده[/poem]