( هوى الغربي ) ..!

السلام عليكم
للتواصل مع الشعبي

.

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
دخيلك ياهوى الغربي تهدّا لا تجيب اقصاي = انا مالي على طاري جروحك ياهوى شَدّه
اليا هبّت ذعاذيعك سريت وجازلي مسراي = لو اني في دروبك ماشْيَه غصبٍ ومنحدّه !
عزفت اعذب لحوني لو ظلمها عازفك بالناي = طرقت اصعب بحوري لو جحدها جاحد المده !
على ذيك السنين اللي تبعثر كل يوم خطاي = خذتني لوعة الذكرى لحلمٍ باح لي سده
تعنّيه النسايم لاغفا همس الحكي بشفاي = يبكّيه المطر لا سالت دموعه على خده
تركته يوم انا طفله يدوّر كل يوم رضاي = وصلته يوم صرحه من سبايب غيبتي هده !
رسمته .. مادريت اني رسمته في يِديِ بالماي = جحدته .. لين بيّن في عيون الجاحده وده !
بكيت .. وما شفع لي من طعونه ونّتي وبكاي = سكت .. وكنّي اللي ينتظر موته على يَدَّه
تغرّبت بدياره وانتخوا في ديرتي بعداي = وتعزويت بطموحٍ ما هو بقدي ولا قده
حدتْني يمّه صدوف الليال وحدّني مبداي = وحداني عنْه وقتٍ مارحمني نعنبو جده
خذلني وانخذل قلب الاماني من عِظم بلواي = يهل الدمع في بحرٍ كواني جزره ومده
تشرّبْته غبن واقفيت ادوّر علتي ودواي = ولجيت لخافقٍ يبطي يلاقي بالهوى نده
عطيته قلبي وسلمت له روحي وسط يمناي = لاجل عينه عروق الشوق والتحنان منمده
رويته عشق لين اروى بشوق العشق كل اعضاي = ضميته وصل لين اضمى حظوظ ٍ عنْه منلده
هذاك اللي بِيَدّّه ناقشٍ حبه بوسط حشاي = حشا مارخص هواه ولو جبر قلبي على الصده !
هذاك اللي لو غيابه دهر يبقا دهر وياي = حرام إني فلا أنسى غلاه ولا نْتظر رده !
[/poem]