أشكال من نفس ألأشكال

[poem=font="simplified arabic,6,black,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماعاد فيها سابقه خلّ الامثال=تطلع بيدها وين والدرب مسدود
هذاك يوم أن العرب تصنع رجال=والدرب واضح لركايب ومجرود
يالله لاتبقي على الارض دجال=وارفع لنا الرآيه على العز والزود
صدرٍ شرب من دلة الوقت فنجال=وعليه صلفات القرايح لها رعود
تمطر غضب منها على القلب منزال=واكيد لي في اللي تغنيت مقصود
دنيا تفك اقفال وتقفلّ اقفال=وتجعل لكل إمدآهني فعل ووجود
ياشيخ خاف الله ترى عندك اعيال=اليوم موجد ويجي يوم مفقود
لاتزرع المنقود وتورث اجيال=علم الردى ياحضرة الشايب العود
سبحان من سواك في شكل تمثال=وركب لك الاشناب يامتعب اكبود
ياعابد الدنيا على جمع الاموال=تراك في سرداب والعمر محدود
ياما رحل قبلك من رجال وابطال=تحت النصايب في اللحد مرتع الدود
حتي ايش لو حطوك في مايل اظلال=وتطرق شوارب لحيتك نسمة النود
قبل امس عند ابوك تظرب بك امثال=واليوم تحسب من هل الطيب والفود
لو جاملوك اشكال من نفس الاشكال=والله لتبطي ماتلزمت في الجود[/poem]