غلطــه !!

السلام عليكم ورحمة الله وبركاته
وكل عام وانتم بخير ..
ماعندي اي مقدمه

هذي خاطره جرت وطرت مدري طرت وجرت المهم انه يقول :

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياللي نزحت وسقت عني ضعاينك = واطفيت في ليلة فراقك شموعي
توك تجي ذالحين تذكر محاسنك؟ = وين انت عني ياضمايه وجوعي!
يوم انك تقّفي وعيني تعاينك = مرتاع لكنّك ما هديت روعي
ما اقول غير الله يسامحك .. ياعنك = ان تبعت المقفي ماهي من طبوعي
مير الغلا كبّرك عندي وزينك = وحبيتك اكثر من محبة ربوعي
غلطه وثمّنّها الزمن قبل اثمنك = ودفعت فيها دمعةٍ من دموعي
ياصاحبي سق ركبك وعد لموطنك = الله ولا حبٍ يسبب خضوعي
طال الفراق وبيّن الوقت معدنك = اللي جبرني غصب ماهوب طوعي
اغض طرفي عن حلاك ومفاتنك = وعن صوتك المبحوح اسكر سموعي
واقفي وانا في خاطري ضيقةٍ منك = واقول: واكتم ضيقتي في ضلوعي
في ذمتي ما اصعب من اقفايتي عنك = الا تلفاتي عليك ورجوعي !!
[/poem]