لاحت بروق الغيث !

السلام عليكم ورحمة الله وبركاته

مشاركه ودعوه بالرحمه والمغفره لشهداء سيل جده الاخير .



[poem="font="Simplified Arabic,4,black,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black""]الكارثه ماهي غرق جيبٍ يبي يقطع مسيل=الكارثه احياء وسط جده وتغرقها السيول
الكارثه نبحث عن القاتل ونقنع بالقتيل=الكارثه وعقولنا صارت تحت رحمة عقول
لاحت بروق الغيث فالمزنه يخيل اللي يخيل=من يأمن المزنه ليا جادت مغفل ومهبول
تبي تشيل اللي تحط ولا تحط اللي تشيل=في صيف والا في شتاء والموت في كل الفصول
تسيل في بحره وتغرق مع قويزه يا غليل=وتردد الاحياء مع الانفاق وينك يالحلول
اطفال شيبان ونساء من كل جنس وكل جيل=الموت واحد لا ترده لا يدين ولا رجول
يا ريحة الاموات كم باقي ورى الاموات ليل=هي بأختصار السالفه والا سواليفك تطول
أرقام وهميه اشاعات وروايات وعويل=الرقم طالع والمدامع من طلوعٍ في نزول
أكوام سيارات من اقدم ومن أحدث مديل=اشياء كانت ثابته تحركت من كل حول
طبعا جديده بس هل للحق يا اصحابه سبيل=زادت وثقلت لين طاح شعيل من تحت الحمول
هذا دليل الحق لو الحق ما يبغى دليل=وهذا أصول الطب داووها على حسب الاصول
والا بلاش نداوي العله ولا نلقى عليل=يا همها عيش المثاليه وحنا للمثول
أهم شي أفجر ودسمها يابوالوزن الثقيل=وش عاد ناس ريال ابوخبزه وبريالين فول
أصلا ماهم حاجه ! ...وميتهم تحت عينك ذليل=ما دام ما همك ما قال الله وما قال الرسول ![/poem]





..