يموت الشجر واقف وضل الشجر ما مات!!

[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حلمت بطلوع سهيل مره من المرات = واشوفه قريّب وطامعاً في منازلته
انادي بصوتي لين ضج بسماي اصوات = ولا زلت افكر وشهو الحلم لا اولته
وسرى الليل والهاجس بدا والهموم شتات = وانا في سوالف بين قلبي ومشكلته
على منهجي متبرمجٍ لو زماني فات = ولو طاح حظي قدمكم ما تحايلته
ولو يبتدي صبحي وجفن السهر ما بات= جنوبي متينه تنقل الهم لاشلته
شموخ المعزه والهوى مع تحدي ذات= وتفيض المشاعر مع سنا البرق لا خلته
انا والمشاعر من زمن بين خذها هات = واذا مر شيٍ يطرب البال حللته
على كثر ما يكتب معاني على الصفحات = بعضها يمر ولا سمعته تهازلته
يموت الشجر واقف وظل الشجر ما مات =هذا والله الي لا انكتب ما تجاهلته
ويا كم سمعت وكم طربت وهذا بالذات = ليا من سمعته كني الي انا قلته
لانه حقيقه من خيالٍ وعليه اثبات = تبّين معالم صورته لا تآملته
هل العرف بسآلكم متى ترفع الرايات؟= لمن صدرة البيداء والراس بوصلته
غياب الحقايق بالزمن يخلف الهقوات = ووجه المصالح تعرفه من معاملته
اذا صار حجم المعرفه يدمح اللغلطات = صديقك هو اللي تكسبه في مجاملته!!

[/poem]