شاعر وترجمت ذكرى" ما حكوها الروات لعيد بن محماس

السلام عليكم ورحمة الله وبركاته

حبيت اليوم اتحف المرقاب ومن فيه با جديد الشاعر عيد بن محماس

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الديره الي لها في خاطري ذكريات =يرتاح بالي يابوراكان لا جيتها
لازرتها زالت همومي وراحت شتات=من بعد ماهي بصدري عامرن بيتها
اليا ذكرت الزمان الي مضى لي وفات = أقول ليت السنين تعود ياليتها
ايام وقت الطفوله واعذب الامنيات=واحلى ليال الصبا اللي قد تهنيتها
مرت مثل حلم ليلن مر وقت المبات= وترك لي هموم ذكرى ن غصب خاويتها
مالي عزا غير اهل دموع عيني خوات = من حر مابي على الخدين هليتها
ابكي واصارع همومي من جميع الجهات = مدري على حيها ولا على ميتها
اللي بناها قضى عمره وعصره ومات = والحي عنها تنحى مع سباريتها
واطلال ذيك النزول للي غدت مرمسات =ياما حوت من رجالن ذايعن صيتها
ماباقي الارسوم نزولهم باليات =راحو وخلو منازلها وخليتها
سقوا سقى الله يوم قلوبنا صافيات=ماحدن تجرآ بفرقاها وتشتيتها
الجار يدمح لجاره زلته بالسكات=وان جاته العايله يسعى لتفويتها
يادار جار الزمان ودار علمن ثبات=من غير فروض ربي عن مواقيتها
الله يكافي شرور سنيننا المقبلات = عسى خواتيمها احسن ماتمنيتها
تلاقفني سنيني بين وده وهات=ورجلي من المشي خلف احلامي احفيتها
ولولاي أهجرس وأهيجن واطلع النايفات = خطرن على الروح تزهق من تناهيتها
شاعر وترجمت ذكرى" ما حكوها الروات =جتنى من أعماق قلبي ثم غنيتها
[/poem]




الشاعر القدير / عيد بن محماس الدلبحي