تشوفون وإلا أقرب الصورة شوية؟؟

السلام عليكم ورحمة الله وبركاته

بدون مقدمات

القصيدة تحكي عن ذاتها

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
يطول الكلام وينتهي والشعر لازال=لسان المشاعر لو بعضها حديدية
تقول العرب وأقول بإنه حكم وأمثال=يلامس معاناة الشعوب بشفافية
وحنا نعيش بعصر فيه الشعر ينقال=لوجهة نظر وحدة ولأهداف شخصية
وأنا شاعر في مهجتي للشعر مدهال=أجيب القصيد اللي بعيدٍ مراميه
يالو آزنه بالقسط وأنصفت بالمكيال=إلي عشر والجمهور تسعين فالمية
لأن أحسنه لاقيل وأصغوا له العقال=يحل القضايا والأمور الحياتية
نشوف الخطا ونقول يامصلح الأحوال=صلاح العمل من بعد مانصلح النية
ياعبادة الدنيا ...ياعبادة الأموال=تموت أفئدتكم غلف وأجسادكم حية
ملايينكم تهدر ولا تنفقون ريال=لبعض البيوت اللي من الفقر مبلية
عليكم فروض من الله الواحد المتعال=تشوفون وإلا أقرب الصورة شوية؟
ياكم من عفيف يحده الفقر مايحتال=يمد اليدين وعفة النفس فطرية
وكم من يتيم عاش من دون عم وخال=يصارع قسى الأيام من غير حنية
وكم أرملة مالله رزقها تجيب عيال=تعيل البنات ومصدر الدخل /عيدية
يعيش ويموت الآدمي لو زمانه طال=ويبقى مع أهل العرف ذكره وطارية
ويسئل بعدها ويش سوى من الأعمال=ويلقى على مقدار مدة يمانية
على ماسبق والبخل عيبٍ على الرجال=صفه من صفات القبح قبل الأنانية

[/poem]

وسلامتكم